المعبوكة طويلة

السياسيين الكل والمجتمع المدني بكله متوافقين على حاجة وحدة : الفترة « الإنتقالية » هاذي يلزمها توفا في أسرع وقت ونكملو الدستور ونعملو إنتخابات فيسع خلي نمرو من المؤقت إلى القار..

المواطن كي يسمعهم يحكيو يفهم أنو المشاكل الكل باش تتحل إذا عملنا إنتخابات فيسع وأصبح عندنا دستور وبرلمان وحكومة ورئيس قارين لخمسة سنوات…

غالط طبعا.

المرحلة القادمة باش تكون مرحلة إنتقالية زادة، وباش تاخو سنوات. السلطة القادمة باش يكون عندها شانطي كبير يتمثل في تكوين وبناء المؤسسات الدستورية وتفعيل الأسس الجديدة للعقد الإجتماعي بين السلطة والشعب، العقد الثوري المبني على أسس الحرية والديموقراطية والعدالة الإجتماعية. ماهوش باش يكون ساهل. أيا كان الطرف إلي باش يكون في السلطة، باش ياكل على راسو من اليمين واليسار ويلزم تكون عندو قدرة كبيرة للتحمل…

حاسيلو، حبيت نقول : ما تصدقوش ياسر السياسيين إلي يقولولكم راهي الأمور باش تتريقل بعد ما نكملو الدستور ونعملو إنتخابات… مزااااالت المعبوكة طويلة.

Leave a reply:

Your email address will not be published.

Sliding Sidebar

About Me

About Me

Blogueur de nuit, en pyjama, quand ça me tente. Geek de jour, rarement en cravate.

Social Profiles